كول ماكس
اهلا وسهلا بالزوار الكرام منتدى كول ماكس يرحب بكم
كول ماكس
اهلا وسهلا بالزوار الكرام منتدى كول ماكس يرحب بكم
كول ماكس
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.




 
الرئيسيةأحدث الصورالتسجيلدخول

 

 قصة واقعية عن عقوق الوالدين لازم تدخلها

اذهب الى الأسفل 
5 مشترك
كاتب الموضوعرسالة
h.zero.d
عضو مميز
عضو مميز
h.zero.d


الابراج : العقرب
عدد المساهمات : 164
نقاط : 256
السٌّمعَة : 0
تاريخ التسجيل : 24/12/2009
العمر : 33
الموقع : http//wwewrestlings.yoo7.com
المزاج : كوووووووووووووووووووووووووووووووووووووول

قصة واقعية عن عقوق الوالدين لازم تدخلها Empty
مُساهمةموضوع: قصة واقعية عن عقوق الوالدين لازم تدخلها   قصة واقعية عن عقوق الوالدين لازم تدخلها Emptyالسبت يناير 02, 2010 7:52 am

مافي كول قصص انا بخليها في عام القصة مايصير بعد اخليها في نكت لآنة نكت كله مال ضحك هذي القصة مو مال ضحك بسم الله الرحمن الرحيم
السلام عليكم ورحمة الله وبركاته

موضوعي اليوم هو عن اعز واعظم شخصين بحياة كل انسان وهو عن (الوالدين) لما لهما من فضل عظيم وكبير في تربيتنا وتعليمنا ورعايتنا فجزاهما الله كل خير وعلى النقيض عقوقهما من اشد الكبائر ماودي اطول عليكم عندي قصه عن العقوق وقد سمعتها من ثقات شرواكم ووالله انها تدمع العييون وتحزن القلوب ...!!
القصه :- قصة حرمه عجوز كان عندها ولد كدت وتعبت وشقت وضاعت سنين عمرها وهي تشقى وتتعب على ذا النمى ولاكن للاسف فالقلوب قد تحجرت واصبحت كالحجاره بل هي اشد المهم كان عندها هالولد مالها بعد الله الا هوو ولما تزوج واصبح رب اسره وعنده من زوجته كم طفل طبعا اخذ امه تسكن معاه بالبيت لاكن وكعادة بعض النساء الله يهديهم كانت زوجته متضايقه من العجوز هذي وقالت لزوجها اكثر من مره :- ترى امك مضايقتنا ياخي شف لها مكان يهتمون فيها ويرعونها مكانها مو هنا انا بصراحه تعبت منها وكل يوم وهي طلعه لي بسالفه جديده وكل يوم وهي تضرب العيال وتبهذلني تقول ان البيت لها مو لي انا وانت !!> طبعا الزوج يحب زوجته ويحب عياله لاكن برضوو كان فيه شوية سحى قال لزوجته :- يابنت الحلال وين تبين اوديها حرمه كبيره ومالها الا انا تحمليها كلها كم سنه وتفارقنا خيلنا نتحملها شوي لاكن الشيطان قد خطط ودبر المكائد في رأس هذه الزوجه الشريره فقالت لزجوها :-والله يالغالي شوف ياأنا ياأمك بالبيت انا بصراحه ماصرت اطيق البيت وذا العجوز فيه وبعدين انا مو متعوده اخدم عجايز -(بهذه الكلمات القاسيه ادخلت المكر والخبث في نفس زوجها )- فقال:- طيب خير انشاء الله> اي خير يابوو؟؟)
-- انابشوف لها حل .... المهم مرت الايام والزوج يخطط لعمليه يتخلص فيها من امه الحنون اللي ماتدري وش اللي يحاك في الظلام والخفاء من ورائها وليه كل هذا هي اصلا وش كان ذنبها ؟
بعد كم يوم انتهى السيناريو الاخير من الخطه الماكره من الزوج وقد حبك خيوطها واتقن تفاصيلها راح لزوجته وقال شوفي نبي نطلع للبر وناخذ امي معانا وانا هناك بعلمك وش بيصير!! راح الولد لامه وقال لها:- يايمه نبي نطلع نتمشى بالبر ونبيك تجين معانا طبعا الام المسكينه ماصدقت خبر (وعلى فكره طبعا الشيبان وخصوصا اللي تجاوزوالستين او الخمسه وستين من العمر يصبحون كالاطفال يتمنون احد يونسهم ويجبر بخطرهم يعني اي شيء يفرحهم حتى لو كانت هديه رمزيه لاتقدر بثمن) نرجع لموضوعنا الام فرحت للمبادره من ولدها انه بياخذها معاهم يتمشون ويزيل منها الهم والطفش قالت له :- تم ياوليدي انا بجهز نفسي واطلع معاكم وفعلا طلعوا للبر وراحوا لمكان بعيد خلا خالي خارج نطاق العمران الى مكان اضن ماحد قد وصل له ولما وصلوا للمنطقه المعنيه, الزوج نزل زوجته وعياله وفرشوا بساطهم ونزلوا عدتهم وقال لأمه:- يايمه وش رايك نروح نتمشى قدام شوي انا وانتي وتوسعين على صدرك .. الام وافقت على الفور وقالت تم ياولدي انا معاك وين مارحت طبعا الولد اخذ امه معاه بالسياره واتجه للمكان المجهول وبعد بعد بعد كثير الين وصل لمنطقه مهجوره ولما وصل للمنطقه هذي قال انزلي من السياره ، و الأم بكل برأئه نزلت من السياره وقام يطلب منها انها تخلع ملابسها !!. الأم انبهرت من طلب ولدها وقالت له ليش ياولدي وش تبي مني؟!؟ قال لها:- بس اخلعي ملابسك وقام يهددها والأم مسكينه ضعيفه وكبيره بالسن ماقدرت تقاوم خلعت ملابسها الين صارت كما خلقها الله عريانه كيوم ولادتها قام النذل واخذ ملابسها معاه وتركها في مكانها ودور بالسياره ورجع جهت عياله طبعا الأم قامت تبكي وتدعي الله عليه ( كلكم بتتساألون ليه خلع ملابسها واخذها معاه ومشى؟) الجواب هو انه يبي يجبرها تجلس بمكانه منزويه ماتقدر تطلع لايمين ولا يسار لطلب النجده وذالك لانها عريانه ففي الحاله هذي بتمموت من العطش والظما والبرد بعد.!
رجع الابن العاق لزوجته الشيطانيه وعياله اللي كانوا يحبون جدتهم الا مالا نهايه رجع وهو يحمل اثآر الجريمه البشعه بحق اعز مخلوق في الكون لديه رجع وهو يمسح يدينه من أآثآر الخيانه لاكن لامفر من رب السموات الارض اللي امر وقرن طاعت الوالدين بطاعته سبحانه المهم بعد ارتكابه لجريمته رجع لعياله وقال :- يالله يالله مشينا للبيت وقام يغمز لزوجته يعني الخطه انتهيت من تنفيذها ونجحت ميه ميه وقاموا العيال بكل براءه يسألون عن جدتهم قال لهم ابوهم :- جدتكم راحت مع فلان وبتقابلونها في البيت.؛ صدقوه المساكين وركبوا مع ابوهم وانطلقوا راجعين لبيتهم ..> في هذه الاثناء وبالصدفه وبتدبير من الله سبحانه وتعالى كان هناك شخص اخر مع عائلته يتجولون في نفس المكان اللي صارت فيه الجريمه وفجاءه لفت انتباه الرجال خيال أمرأه عاريه جالسه خلف شجره وتحاول تتخبى لاكن وقف وهو في دهشه من الوضع وقال لزوجته :_كأني لمحت لي حرمه عريانه هناك؟ زوجته خافت وقالت له امش ياولد الحلال لاتكون جنيه بسم الله الرحمن الرحيم لاكن الرجال وقف واصر يرجع يشوف وش السالفه وش هالحرمه اللي جالسه بهالمكان وفي هالوقت لا وعريانه بعد !!؟؟ رجع للمكان وذكر الله وقراء ايه الكرسي والاذكار وزهم ع الحرمه< ياحرمه ياحرمه ياللي هنا >طبعا>> اقول ماكني كثرت كلمة (طبعا)؟>>ماعلينا المهم>>( العجوز درت انها انكشفت وماكان منها الا البكاء المر للفضيحه اللي انحطت فيها وهي مالها ذنب .. الرجال سمع صوت البكاء والنهيت وقرب شوي شوي من الحرمه العجوز الين صار ينه وبينها كم متر ونادى عليها :-اسألك بالله وش انتي جنيه ولا أنسيه ؟ قامت العجوز تبكي وتلعثمت بالكلام وصار كل شيء امامها اسود مظلم قالت له :- ياولدي استر على الله يستر على عيالك استر علي الله يستر على عيالك..!! قال لها ياحرمه من انتي وش سالفتك ومن اللي مسوي فيك كذا ؟ ورمى شماغه لها وراح جهت زوجته وطلب منها العبايه ورجع للمره العجوز وقال تغطي تغطي ياوالده واطلعي وش سالفتك ؟ العجوز لبست العبايه والشماغ وطلعت عليه ولاكن ؟؟
^
^
^
^
^
^
^
^
^ كانت المفاجئه اللي ماحد توقعها صاحت العجوز فلان جارنا والرجال برضووو استغرب الموقف وكأنه يشوف شيء مستحيل وقوعه..؛ ام فلان جارتنا وش حصل لك وش اللي مسوي فيك كذا وين فلان ولدك ؟ قامت العجوز تبكي وتبكي بحرقه وقالت ياولدي والله والله ماسوى فيني كذا الا فلان الله لايوفقه لادنيا ولا اخره عراني ورماني الله يعريه ويرميه في نار جهنم هو وزوجته ياولدي فلان العاق طلعني هنا يبي يتخلص مني وخلع ملابسي كلها يبيني اموت وانا بمكاني ..!
طبعا الأرض كلها ضاقت بما رحبت على هالرجال جارها وقال:- افاااا وانا ابو فلان الحين النذل ولدك سووى فيك كل هذا الله يسود وجهه اسود الوجه اركبي معي ياوالده ويصير خير .. سبحان الله يارحمتك يار ب سبحان من سخر لها هذا الرجال - جارها - علشان ينفضح ولدها وتبان الحقيقه .. طلعت العجوز مع جارها وقال لها :- شوفي ياعمه انتي من اليوم ورايح امي الثانيه .. امي الاولى الله يرحمها ماتت وانشاء الله اني كنت بار بها لاكن الله اكرمني بأم ثانيه ابر فيها واخدمها وانتي من اليوم ورايح امي وانا ولدك .. قالت العجوز الله يفتح لك الخير ياولدي ويوفقك وين مارحت طبعا الأم بين حزنها وبين فرحها لفرج الله عليها صارت ماتدري هي تبكي ولا تضحك والله مألومها...!
راح الرجال لبيته ومعاه العجوز اللي صارت امه الجديده وفضى لها دور كامل في البيت ووصى وزوجته وقال :- هذي امي وامك لو اسمع في يوم من الايام انك زعلتيها او اشتكت منك لاتلومين الا نفسك لانتي زوجتي ولانيب زوجك وقالت زوجته:- يابو فلان امك هي امي وانا رح اخدمها ليل نهار ولايصير الا اللي يرضيك فيها؛ انبسط الزوج من كلام زوجته وراح للعجوز وقال لها يامه البيت بيتك وانا ولدك وزوجتي بنتك واولادي اولادك والبيت تحت تصرفك باللي فيه وانتي بتعيشين فيه معززه مكرمه الين الله ياخذ امانته اعتبري كل شيء ملكك والله ان تعيشين بعزتك وبكرامتك الين تروحين لقبرك يالغاليه .. والعجوز تبكي وتدعي له .... وطبعا الزوج وصى زوجته ماحد يدري من حريم الحاره ان ام فلان -العجوز - عندهم علشان ماينفضح امرها ...
بعد كم يوم جاا الرجال للعجوز وقال لها :- يايمه انا انشاء الله بسوي الاسبوع الجاي مناسبه وبأجمع الجيران والجماعه لها ومن ضمن المدعوييين ولدك فلان . قالت العجوز :- ياولدي وش تبي منه الله لايوفقه اللي مافيه خير لامه مافيه خير للناس اتركه عنك بس.. قال :- ياوالدتي ولدك من ضمن الجيران ولاني تاركه لازم اعزمه معاهم وبعدها يصير خير (طبعا الرجال كان له نيه في ولد العجوز بس ماكان يبي يعلمها الين ينفذ الخطه اللي براسه ) ووافقت العجوز وفعلا بعد الصلاه قام الرجال وعزم الجيران كلهم وحدد لهم يوم المناسبه ولززم عليهم كلهم بالحضوروطلبهم كلهم عدم التاخير او العذر وبرضووو لززم على ولد العجوز وبشده بعد وقال له يافلان انت اهم واحد لازم تحضر ولا ترى بزعل عليك ترى حضورك يهمني كثير .. انبسط العاق وقال خلاص تم مدامك تعزني لهالدرجه انا جايك ..مانيب متأخر ..
ويوم المناسبه حضرو الجيران والجماعه واكتض المجلس بالمعازيم وراح الرجال لزوجته وقال لها حاولي تخبين العجوز من الحريم وخليها في مكان منزوي لين ارد عليك بخبر ووافقت زوجته ..
المهم والمفيد في الموضوع قام الرجال في المجلس قدام المعازيم كلهم وقال :- ياجماعة الخير انا لميتكم اليوم وعزمتكم لموضوع ابيكم تكونون شهاد عليه وابيكم تكونون بدرايه على كل شيء هذا الرجال فلان > وقام يأشر على العاق ) فعل كذا كذا كذا بأمه في يوم كذا وكذا في المكان الفلاني .._> وعلمهم بالسالفه كلها من طق طق الا السلام عليكم..
قام العاق ينكر الكلام وهو مندهش وقام يكذب الرجال وقال انت كذاب وخسيس امي في بيتي ولا صدقت في كلامك..
قال الرجال طيب هين . وراح لزوجته وقال خلي ام فلان تجي وجات العجوز ودخلها على الرجاجيل في المجلس وقال يأم فلان تكلمي باللي سواه ولدك فلان هالعاق فيك وعلميهم بكل شيء..!!
وقامت العجوز تتكلم وهي تبكي والناس يناظرون ويسمعون القصه ويبكون ومندهشين وفي نفس الوقت مو مصدقين ان ممكن يصير في يوم من الايام ان واحد من جيرانهم يسوي هالسوايا في امه .. وبعد ماأنهت العجوز القصه قالت يالربع انا اشهدكم ان هالرجال فلان ولدي وانا امه واما فلان العاق فلاهو ولدي ولاني امه وانا متبريه منه الا يوم القيامه وغضبانه عليه الين اموت ..
قام العاق وهو يفور من الغضب وقام يسب ويلعن الرجال وطردوه الجماعه من المجلس وطلع لزوجته وطلقها وخربت حياته وتعشوا الجماعه والجيران ذاك اليوم عند جارهم الشهم وراح كل واحد لحال سبيله وهو ينشر القصه من مكان لمكان للعبره والعضه وانا جيت انشرها لمنتداكم ايضا للعبره والعظه فأرجو من الاخوان المعنيين ان يثبتوا الموضوع للافاده وللعظه .. واخر شيء اسأل الله العلي العظيم ان يجعلنا بارين بوالدينا وان نقدم لهم ارواحنا فداء نظير ماقدموه لنا من تضحيات في سبيل اسعادنا وأما من كان ابوه او امه متوفي فارجو من الله ان يتغمدهم بواسع رحمته وان يسكنهم الجنه واوصيه بالدعاء لهم وزياره اصدقائهم الاحياء فذاك من البر بهما وصلى الله على نبي الله محمد وعلى اله الطاهرين ...تحياتي لكم >
الرجوع الى أعلى الصفحة اذهب الى الأسفل
bo 3li
مدير عام
مدير عام
bo 3li


عدد المساهمات : 1481
نقاط : 1965
السٌّمعَة : 25
تاريخ التسجيل : 23/10/2009
الموقع : كول ماكس
المزاج : كول

قصة واقعية عن عقوق الوالدين لازم تدخلها Empty
مُساهمةموضوع: رد: قصة واقعية عن عقوق الوالدين لازم تدخلها   قصة واقعية عن عقوق الوالدين لازم تدخلها Emptyالسبت يناير 02, 2010 1:47 pm

مشكوووووووور على الموضوع الرائع والجميل تقبل مروري
الرجوع الى أعلى الصفحة اذهب الى الأسفل
https://coolmax.7olm.org
aljssmy
مشرف نشيط
مشرف نشيط
aljssmy


الابراج : الاسد
عدد المساهمات : 966
نقاط : 1326
السٌّمعَة : 39
تاريخ التسجيل : 26/10/2009
العمر : 34
الموقع : كوكب الارض
المزاج : كووووووووول

قصة واقعية عن عقوق الوالدين لازم تدخلها Empty
مُساهمةموضوع: رد: قصة واقعية عن عقوق الوالدين لازم تدخلها   قصة واقعية عن عقوق الوالدين لازم تدخلها Emptyالإثنين يناير 04, 2010 5:03 am

مشكووووور على القصة
القصة جدا جميلة هاذا العاق صراحة يستاهل يموت
الرجوع الى أعلى الصفحة اذهب الى الأسفل
mr.soli
مشرف كول الرياضة (المصارعة)
مشرف كول الرياضة (المصارعة)
mr.soli


الابراج : الحمل
عدد المساهمات : 361
نقاط : 584
السٌّمعَة : 20
تاريخ التسجيل : 25/10/2009
العمر : 25
الموقع : كول ماكس
المزاج : كوووووول

قصة واقعية عن عقوق الوالدين لازم تدخلها Empty
مُساهمةموضوع: رد: قصة واقعية عن عقوق الوالدين لازم تدخلها   قصة واقعية عن عقوق الوالدين لازم تدخلها Emptyالأربعاء يناير 06, 2010 11:34 am

مشكوووور وتقبل مروووووري
الرجوع الى أعلى الصفحة اذهب الى الأسفل
جسوم
الفائز الاول في مسابقة المشرف- مشرف كول مسابقات
الفائز الاول في مسابقة  المشرف- مشرف كول مسابقات
جسوم


الابراج : الجدي
عدد المساهمات : 1088
نقاط : 1427
السٌّمعَة : 15
تاريخ التسجيل : 08/11/2009
العمر : 26
الموقع : http://3thari.7olm.org
المزاج : كوووووووووووووووووول

قصة واقعية عن عقوق الوالدين لازم تدخلها Empty
مُساهمةموضوع: رد: قصة واقعية عن عقوق الوالدين لازم تدخلها   قصة واقعية عن عقوق الوالدين لازم تدخلها Emptyالثلاثاء فبراير 16, 2010 12:33 am

مشكورررررررررررررررررررررر ع الموضوع
الرجوع الى أعلى الصفحة اذهب الى الأسفل
 
قصة واقعية عن عقوق الوالدين لازم تدخلها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كول ماكس :: كول عام-
انتقل الى: